牛牛被迫食垃圾 塑膠垃圾害死腹中牛BB


牛牛被迫食垃圾 塑膠垃圾害死腹中牛BB

幾年前大嶼山昂坪有牛被迫食垃圾維生。近日印度一隻懷孕的母牛,在街上不慎被車撞,獸醫到場治療時發現母牛不斷踢自己腹部。獸醫擔心牛母子安危,緊急為佢開刀做手術,開腹後驚見牠體也內藏71公斤垃圾 ,惟即使獸醫盡力幫佢清理腹中異物,惟已影響腹內小牛生長,不幸夭折。

Owoh 編輯小隊 | 2021年03月18日更新

幾年前大嶼山昂坪有牛被迫食垃圾維生。近日印度一隻懷孕的母牛,在街上不慎被車撞,獸醫到場治療時發現母牛不斷踢自己腹部。獸醫擔心牛母子安危,緊急為佢開刀做手術,開腹後也驚見牠體內藏71公斤垃圾 ,惟即使獸醫盡力幫佢清理腹中異物,惟已影響腹內小牛生長,不幸夭折。
 

據當地傳媒報道,印度法里達巴德的獸醫觀察到懷孕母牛不斷踢腹部,顯示佢正處於疼痛狀態。後來獸醫為母牛檢查,診斷出其排泄系統出問題,並以X光確認牠胃內存有大量異物。獸醫不得不安排緊急手術為佢做治療,獸醫喺上月21日幫佢進行咗長達4個鐘嘅開腔手術,牛有四個胃,母牛四個胃入面都內藏鐵釘、塑膠、硬幣、碎玻璃、鎖匙和石頭等,取出的異物重達71公斤。



 

最終雖然獸醫盡力幫牛牛取出異物,但腹內小牛最終都因為唔夠空間生長,而在母牛手術後3日夭折。據統計,印度城市裡約有500萬頭牛喺印度各處流浪,好多牛會誤食路邊嘅塑料垃圾。

 

負責手術嘅獸醫杜巴伊(Ravi Dubay)話,今次係佢從醫13年來,喺牛隻體內發現最多垃圾嘅一次。佢感嘆咁話,人類應盡量減少將膠袋亂扔在路邊,避免牛隻誤吃,而且要認真正視塑膠垃圾對動物同生態嘅影響。杜巴伊坦言:「牛對印度嚟講非常神聖,但無人關心佢哋嘅生活。佢哋只能夠喺城市角落裡搵垃圾食。」


加入購物車成功!

查看購物車 繼續購物
購物籃
購物車